Hamðismál
1 5	Sprvtto a tái tregnar iðir greti alfa in glýsta/mo; ár vm morgin manna ba/lva svtir hveriar sorg vm qveyqva.
2 5	Vara þat nv ne i ger, þat hefir langt liþit siþan: er hvatti Gvðrvn Givca borin sono sina vnga at hefna Svanhildar:
3 5	«Syster var yccor Svanhildr vm heitin, sv er Iormvnreccr ióm vm traddi, hvitom oc svortom a hervegi, grám, gangta/mom Gotna hrossom.
4	Eptir er ycr þrvngit þioðkonvnga, lifiþ einir er þátta ettar minnar.
5 5	Einstoð em ec orðin, sem a/sp i holti, fallin at frondom, sem fvra at qvisti, vadin at vilia, sem uíþir at la/fi, þa er in qvistsceþa komr vm dag varman.»
*	*
*
6 5	Hitt qvaþ þa Hamþir inn hvgomstóri: «Litt myndir þv þa, Gvdrvn! leyfa daþ Ha/gna, er þeir Sigvrð vocþo svefni or, saztv a beþ, enn banar hlógo.
7 5	Becr váro þinar inar bláhvíto roþnar valvndom, flvto i vers dreyra; svalt þa Sigvrþr, saztv yfir da/þom, glyia þv ne gaðir, Gvnnarr þer sva vildi.
8 5	Atla þottiz þv striþa at Erps morði oc at Eitils aldrlagi, þat var þer enn verra; sva scyldi hverr a/þrom veria til aldrlaga sverþi sarbeito, at ser ne striddit.»
9 5	Hitt qvaþ þa Sa/rli, svinna hafði hann hyggio: «Vilcat ec við moþvr malom scipta, orz þiccir enn vant ycro hváro, hvers biþr þv nv, Gvðrvn! er þv at grati ne forat?
10 5	Broþr grat þv þína oc bvri svasa, niþia naborna leidda ner rógi; ocr scaltv oc, Gvðrvn! grata baþa, er her sitiom feigir a ma/rom, fiarri mvnom deyia.»
11 3	Gengo or garði gorvir at eiscra, liþo þa yfir vngir vrig fioll ma/rom hvnlenzcom morþz at hefna.
12	Fvndo á streti stórbra/gðottan: «Hve mvn iarpscamr ocr fvltingia?»
13 5	Svaraþi inn svndrmoþri, sva qvaz veita mvndo fvlting frondom, sem fótr a/þrom. «Hvat megi fotr foti veita ne holdgróin hond annarri?»
14 5	Þa qvaþ þat Erpr eino sinni, merr vm léc a mars baci: «Ilt er bla/þom hal bra/tir kenna.» Koþo harþan mioc hornvng vera.
15 5	Drógo þeir or scipi sciþiiarn, mekiss eggiar at mvn flagði; þverþo þeir þrott sinn at þriþivngi, leto ma/g vngan til moldar hniga.
16	Scoko loþa, scalmir festo, oc godbornir smvgo i gvdvefi.
17 5	Fram lago bra/tir, fvndo vastigo oc systvrson saran a meiþi, vargtre vindca/ld vestan boiar, trýtti e tra/no hvot, titt varat biða.
18 5	Gla/mr var i ha/llo, halir a/lreifir, oc til gota ecci gerþot heýra, aþr halr hvgfvllr i horn vm þá/t.
19 5	Segia foro [iarlar] Iormvnrecci, at senir váro seggir vnd hialmom: «Reþit er vm ráþ! rikir ero comnir, fyr matkom hafiþ er ma/nnom mey vm tradda.»
20 5	Hló þa Iormvnreccr, hendi drap a kampa, beiddizat bra/ngo, ba/ðvaþiz at vini; scoc hann sca/r iarpa, sa a sciold hvitan, let hann ser i hendi hvarfa ker gvllit.
21 5	«Sell ec þa þottvmc, ef ec sia knetta Hamþi oc Sa/rla i ha/llo minni, byri mvnda ec þa binda meþ boga strengiom, goð born Givca festa a galga.»
22 5 7	Hitt qvaþ þa Hroþrgla/þ, stoþ vf hleþom, mefingr melti við ma/g þenna: «† Þviat þat hetta at hlyþigi myni, mega tveir menn einir tív hvndroþ Gotna binda eþa beria i borg inni ha.»
23	Styrr varþ i ranni, stvcco a/lscalir, i bloþi bragnar lago, comiþ or briosti Gotna.
24 3 7	Hitt qvaþ þa Hamþir inn hvgomstori: «Estir, Iormvnrecr! occarrar qvamo broþra sammoðra innan borgar þinnar; fetr ser þina, hondom ser þv þínom, Iormvnrecr! orpit i eld heitan.»
25 5	Þa hrá/t viþ inn reginkvnngi baldr i hrynio, sem biorn hryti: «Grytiþ ér a gvmna, allz geirar ne bita, eggiar ne iarn Ionacrs sono.»
26 3	Hitt qvaþ þa Hamþir inn hvgomstori: «Ba/l vantv, broþir! er þv þann belg leystir, opt or þeim belg ba/ll raþ coma.»
27	Sa/rli qvað: «Hvg hefþir þv, Hamþir! ef þv hefdir hyggiandi; micils er a mann hvern vant, er manviz er.»
28 5	Hamþir qvað: «Af veri nv ha/fvþ, ef Erpr lifði, broþir occarr inn ba/ðfrocni er viþ a brá/t vagom, varr inn vigfrocni, hvottvmc at dísir, gvmi inn gvnnhelgi, gorþvmz at vigi.»
29 5	Sa/rli qvað: «Ecci hygg ec ocr vera vlfa domi, at vit mynim sialfir vm sacaz, sem grey norna, þa/ er graþvg ero i a/þn vm alin.
30 5	Vel hofom viþ vegit, stondom a val Gotna, ofan eggmoþom, sem ernir a qvisti; goþs hofom tírar fengið, þott scylim nu eþa i ger dæyia; queld lifir maðr ecki eptir qvið norna.»
31	Þar fell Sa/rli at salar gafli, enn Hamþir hne at hvsbaki.
Þetta ero ca/lloþ Hamþissmál in forno.