Atlakviða hin Grœnlenzka.
Da/þi Atla.
Gvðrvn Givca dottir hefndi broþra sinna sva sem frogt er orðit. Hon drap fyrst sono Atla, enn eptir drap hon Atla oc brendi ha/llina oc hirðina alla. Vm þetta er sia qviða ort:
1 5	Atli sendi ár til Gvnnars kvnnan segg at ríþa, Knefrvdr var sa heitinn; at ga/rþom com hann Givca oc at Gvnnars Ha/llo, beckiom aringreypom oc at biori svásom.
2 5	Drvcko þar dróttmegir — enn dyliendr þa/gðo — vin i ualha/llo, reiþi saz þeir Hvna; kallaþi þa Knefra/ðr kaldri ra/ddo, seggr inn svdrøni — sat hann a becc ham —:
3 5	«Atli mic hingat sendi riþa orindi mar inom melgreypa Myrcvið inn okvnna, at biþia yðr, Gvnnarr! at iþ a beck komit meþ hialmom aringreypom at sokia heim Atla.
4 5	Scioldo knegoð þar velia oc scafna asca, hialma gvllroþna oc Hvna mengi, silfrgylt sa/þvlkleþi, serki valra/þa dafar darraþar, dra/sla melgreypa.
5 5	Va/ll lez ycr oc mvndo gefa vidrar Gnitaheiþar, af geiri giallanda oc af gyltom stofnom, storar meiþmar oc staþi Danpar, hrís þat iþ mora, er meðr Myrcviþ calla.»
6 5	Ha/fþi vatt þa Gvnnarr oc Ha/gna til sagði: «Hvat reðr þv ocr, seggr inn ori! allz við slict heyrom? gvll vissa ec ecki a Gnitaheiþi, þat er við ettima annat slict.
7 5 9	Siá/ eígo viþ salhús sverþa fvll, hverio ero þeirra hiolt or gvlli; minn veit ec mar beztan, enn moki hvassastan, boga becc sema, enn brynior or gvlli, hialm oc sciold hvitastan kominn or ha/ll Kiars; einn er minn betri enn se allra Hvna.»
8 5	Ha/gni qvaþ: «Hvat hyggr þv brvþi bendo, þa er hon ocr ba/g sendi varinn váþom heiþingia? hygg ec at hon vornvþ bydi; hár fann ec heiþingia riþit i hring ra/þom, ylfscr er vegr occarr at riþa orindi.»
9 5	Niðiar hvotto Gvnnar ne náongr annarr, rynendr ne raþendr ne þeir er rikir váro; kvaddi þa Gvnnarr, sem konvngr scyldi, merr i mioþranni af móþi storvm:
10	«Ristv nv, Fiornir! lattv a flet vaþa greppa gvllscalir meþ gvmna hondom!
11 5	Vlfr mvn raþa arfi Niflvnga, gamlar granverþir, ef Gvnnars missir, birnir blacfiallar bíta þref ta/nnom, gamna greystoþi, ef Gvnnarr ne komraþ.»
12 5	Leiddo landra/gni lyþar oneísir, gratendr gvnnhvata or garði hvna; þa qvað þat inn ori erfivorþr Ha/gna: «Heilir farit nv oc horscir, hvars ycr hvgr teygir!»
13 5	Fetom leto frocnir vm fioll at þyria marina melgreypo Myrcviþ inn okvnna; hristiz a/ll Hvnma/rc þar er harþmoþgir fóro, rako þeir vannstyggva vollo algrona.
14 5 9 13	Land sa þeir Atla oc liþscialfar divpa, Bicca greppar standa a borg inni há, sal vm svðrþioþom slaginn sessmeiþom, bvndnom ra/ndom, bleicom scioldom, dafa darraþar; enn þar dracc Atli vín i valha/llo, verþir sato vti at varþa þeim Gvnnari, af þeir her vitia qvomi meþ geíri giallanda at vekia gram hildi.
15 5	Systir fann þeirra snemst, at þeir i sal qvomo broþr hennar baþir, biori var hon lítt drvckin: «Raþinn ertv nv, Gvnnarr! hvat mvntv, ricr, vinna viþ Hvna harmbra/gdom? ha/ll gacc þv or snemma!
16 5 9 13	Betr hefþir þv, broþir! at þv i brynio forir, sem hialmom aringreypom at sia heim Atla, setir þv i sa/þlom solheiþa daga, nái na/þfa/lva letir nornir grata, Hvna scialdmeyiar hervi kanna, enn Atla sialfan leter þv i ormgarð coma; nv er sa ormgarðr ycr vm folginn.»
17 3	Gvnnarr qvaþ: «Seinaþ er nv, systir! at samna Niflvngom, langt er at leita lyþa sinnis til, of rosmofia/ll Rínar recca oneissa.»
18	Fengo þeir Gvnnar oc i fiotvr setto vin Borgvnda oc bundo fastla.
19 5	Sia/ hió Ha/gni sverþi hvosso, enn enom átta hratt hann i eld heítan; sva scal frocn fiandom veriaz, [sem] Ha/gni varði hendr [sinar].
20 5	.   .   .   .   .   .   . .   .   .   .   .   .   . .   .   .   .   .   .   . .   .   .   Gvnnars; frago frocnan, ef fior villdi, Gotna þioðan, gvlli ca/pa.
21 5	Gvnnarr qvaþ: «Hiarta scal mer Ha/gna i hendi liggia bloþvgt, or briosti scoriþ balldriþa saxi sliþrbeito syni þioðans.»
22	Scaro þeir hiarta Hialla or briosti, bloþvgt oc a bioþ la/gðo oc báro þat fyr Gvnnar.
23 3 7	Þa qvaþ þat Gvnnarr gvmna drottinn: «Her hefi ec hiarta Hialla ins bla/þa, olict hiarta Ha/gna ins frocna, er mioc bifaz, er a bioþi liggr, bifiz halfo meírr, er i briosti lá.»
24 5	Hlo þa Ha/gni, er til hiarta scáro kvicqvan kvmblasmiþ, klecqva hann sízt hvgði; bloþvgt þat a bioþ la/gðo oc baro fyr Gvnnar.
25 3 7	Merr qvaþ þat Gvnnarr Geirniflvngr: «Her hefi ec hiarta Ha/gna ins frocna, olict hiarta Hialla ins bla/þa, er lítt bifaz, er a bioþi liggr, bifþiz svagi mioc, þa er i briosti la.
26 5	Sva scaltv, Atli! a/gom fiarri, sem mvnt meniom verþa; er vnt einom mer a/ll vm folgin hodd Niflvnga, lifira nv Ha/gni.
27 5 9	Ey var mer tyia, meþan viþ tveir lifþom, nv er mer engi, er ec einn lific; Rín scal raþa rógmalmi scatna, svinn, áskvnna arfi Niflvnga; i veltanda vatni lysaz valba/gar, heldr enn a ha/ndom gvll scíni Hvna bornom.»
28 3	Atli qvaþ: «Ykviþ er hvelvognom! haptr er nv i bondom.» Oc meirr þaðan menvorð bitvls dolgra/gni dró til da/þs scokr.
29 5	Atli inn riki reiþ Glá/m ma/nom, sleginn rógþornom, sifivngr þeirra; .   .   .   .   .   .   . Gvðrvn sigtifa, varnaþi viþ tárom vaþin i þysha/llo.
30 5	Hon qvaþ: «Sva gangi þer, Atli! sem þv viþ Gvnnar attir eiþa opt vm svarþa oc ár of nefnda, at sól inni svðrha/llo oc at Sigtyss bergi, hvlqvi hvilbeþiar oc at hringi Vllar.»
31 5 9	Lifanda gram lagði i garþ þann, er scriþinn var, scatna mengi, innan ormom; enn einn Gvnnarr heiptmóðr ha/rpo hendi kníþi, glvmþo strengir; sva scal gvlli frocn hringdrifi viþ fira halda.
32 5	Atli let lanz sins a vit io eýrscán aptr fra morþi; dynr var i garþi, dra/slom of þrvngit, vapnsa/ngr virþa, váro af heiþi comnir.
33 5	Vt gecc þa Gvðrvn Atla i gogn meþ gylltom calki at reifa giolld ra/gnis: «Þiggia knáttv, þengill! i þinni ha/llo glaþr at Gvðrvno gnadda niflfarna.»
34 5	Vmþo a/lscalir Atla vínha/fgar, þa er i ha/ll saman Hvnar ta/lþvz; gvmar gransiþir gengo inn hvatir.
35 3	Scevaþi þa in scírleita † veígar þeim at bera, afkar dís, iofrom oc a/lkrasir valþi ná/þvg, neffa/lom enn niþ sagði Atla:
36 5	«Sona hefir þinna, sverþa deilir! hiorto hrodreyrog viþ hvnang of tvggin; melta knatto, moþvgr! manna valbráðir, eta at a/lkrasom oc i a/ndvgi at senda.
37 5 9	Callaraþv siþan til kniá þinna Erp ne Eítil a/lreifa tva; seraþv siþan i seti miþio gvllz miþlendr geira scepta, manar meíta ne mara keyra.»
38 5 9	Ymr varþ a beckiom, afkarr sa/ngr virþa, gnyr vnd gvþvefiom, greto born Hvna; nema ein Gvðrvn er hon eva gret broþr sina berharþa oc bvri svasa, vnga, ófróþa, þa er hon viþ Atla gat.
39 5	Gvlli seri in gaglbiarta, hringom ra/þom reifþi hon hvscarla; sca/p let hon vaxa, enn sciran malm vaþa, eva flioþ ecci gaþi fiarghvsa.
40 5	Ovarr Atli oþan hafþi hann sic drvckit, vapn hafþi hann ecci, varnaþit hann viþ Gvdrvno; opt var sa leicr betri, þa er þa/ lint scyldo optarr vm faðmaz fyr a/þlingom.
41 5	Hon beþ broddi gaf bloþ at drecca hendi helfvssi oc hvelpa leysti; hratt fyr hallar dyrr — oc hvscarla vacþi — brandi brvðr heitom, þa/ let hon giold broþra.
42 5 9	Elldi gaf hon þa alla, er inni váro oc fra morþi þeirra Gvnnars komnir voro or myrcheimi; forn timbr fello, fiarghvs rvko, ber bvþlvnga, brvnno oc scialdmeyiar inni aldrstamnar, hnigo i eld heitan.
43 5	Fvllrett er vm þetta, ferr engi sva siþan brvþr i brynio broþra at hefna; hon hefir þriggia þioþkonvnga banorþ borit biort, aþr sylti.
Enn segir gleggra i Atlamalom enom gronlenzcom.