Volvndarkviða
Niðvþr het konvngr i Sviðioð; hann atti tvá sono oc eina dottvr, hon het Ba/dvildr. Broðr váro þrír synir Finnakonvngs; hét einn Slagfiþr, annarr Egill, þriþi Volvndr; þeir scriþo oc veiddo dýr. Þeir qvomo i Vlfdali oc gerþo ser þar hvs; þar er vatn, er heitir Vlfsiár. Snemma of morgin fvndo þeir a vazstrondo konor þriár, oc spvnno lín; þar váro hia þeim alptarhamir þeirra; þat váro valkyrior. Þar váro tver dotr La/ðvéss konvngs, Hlaðgvþr svanhvit oc Hervor alvitr, enn þriþia var Avlrvn Kiars dottir af Vallande. Þeir ha/fdo þer heim til scala meþ ser. Fecc Egill Avlrvnar, enn Slagfiþr Svanhvitrar, enn Va/lvndr Alvitrar. Þa/ bioggo siau vetr; þa flvgo þer at vitia viga, oc qvomo eigi aptr. Þa screiþ Egill at leita Avlrvnar, enn Slagfiþr leitaði Svanhvitrar, enn Volvndr sat i Vlfda/lom. Hann var hagastr maþr sva at menn viti i fornom sa/gom. Niðvþr konvngr let hann ha/ndom taca, sva sem her er vm qveþit.
1 5	Meyiar flvgo svnnan Myrcvið igognom, Alvitr vnga, orlog drygia; þer a sevarstrond settvz at hvilaz, drosir svðronar dyrt lín spvnno.
2 5 9	Eín nam þeirra Egil at veria fa/gr mer fíra faþmi liosom; onnor var Svanhvít, svanfiaðrar dró, .   .   .   .   . .   .   .   .   .; enn in þriþia, þeirra systir, varþi hvítan hals Volvndar.
3 7	Sáto siþan siau vetr at þat, enn inn átta allan þraþo, enn enn nívnda na/þr vm scilþi; meyiar fýstoz a myrqvan viþ, Alvitr vnga orlog drygia.
4 7	Kom þar af veiþi veþreygr scyti, Slagfiþr oc Egill sali fvndo á/þa, gengo vt oc inn oc vm saz; a/str screiþ Egill at Avlrvno, enn svþr Slagfiþr at Svanhvíto.
5 7	Enn einn Volvndr sat í Vlfda/lom, hann sló gvll rá/t við gim fastan, lvcþi hann alla lind ba/ga vel; sva beiþ hann sínnar lióssar qvanar, ef hanom coma gerþi.
6 5	Þat spyrr Níðvðr Niara drottinn, at einn Volvndr sat i Vlfda/lom; nottom foro segger, neglþar váro brynior, scildir blico þeirra viþ enn scarþa mana.
7 5	Stigo or sa/ðlom at salar gafli, gengo inn þaðan endlangan sal; sa þeir a bast ba/ga dregna, siau hvndroþ allra, er sa seggr átti.
8 5	Oc þeir af tóco, oc þeir a léto, fyr einn vtan, er þeir af leto. Com þar af veiþi veþreygr scyti, Va/lvndr liþandi vm langan veg.
9 5	Gecc brvnni bero hold steícia, ár brann hrísi allþvrr fvra, viþr enn vindþvrri fyr Volvndi.
10 5	Sat a berfialli, ba/ga talþi alfa lioþi, eins sacnaði; hvgði hann, at hefþi Hla/þvéss dottir, Alvitr vnga, veri hon aptr komin.
11 5	Sat hann sva lengi, at hann sofnaði, oc hann vacnaþi vilialá/ss; vissi ser a ha/ndom ha/fgar na/ðir, enn a fotom fiotvr vm spenntan.
12	Volvndr qvaþ: «Hverir ’ro iofrar þeir er a la/gðo besti byr síma oc mic bvndo?»
13 5	Kallaþi nv Niþvðr Niara drottinn: «Hvar gaztv, Volvndr, visi alfa! vára a/ra i Vlfdolom?»
14 5	Volvndr qvaþ: «Gvll var þar eigi a Grana leiðo, fiarri hvgða ec vart land fiollom Rínar; man ec, at ver meiri moti attom, er ver heil hiv heima vorom.
15	Hlaðgvðr oc Hervor borin var Hla/ðvé, kvnn var Avlrvn Kiars dottir.»
16 5	[Vti stendr kvnnig kván Niþadar oc] hon inn vm gecc ennlangan sal, stoð a gólfi, stilti roddo: «Era sa nv hyrr, er or holti ferr.»
Níþvðr konvngr gaf dottvr sinni Ba/ðvildi gvllring þann er hann toc af bastino at Volvndar; enn hann sialfr bar sverþit, er Volvndr atti; enn drotning qvaþ:
17 7	«Amon ero a/go ormi þeim enom frána, tenn hanom teygiaz, er hanom er teþ sverþ oc hann Ba/dvildar bá/g vm þeccir; sníþit er hann sina magni oc setiþ hann siþan i Sevarstavd!»
Sva var gort, at scornar váro sinar i knessfotom, oc settr i holm einn, er þar var fyr lande, er het Sevarstaþr. Þar smiþaði hann konvngi allzkyns gorsimar. Engi maþr þorþi at fara til hans nema konvngr einn. Va/lvndr qvaþ:
18 7	«Scinn Nidaþi sverþ a linda, þat er ec hvesta sem ec hagazt kvnna, oc ec herþac sem mer hogst þotti; sa er mer frann mekir e fiarri borinn, sécca ec þann Volvndi til smiþio borinn.
19	Nv berr Ba/ðvildr brvþar minnar — bíþca ec þess bót — ba/ga rá/þa.»
20 5	Sat hann, ne hann svaf, avalt oc hann sló hamri, vel gorði hann heldr hvatt Níþaþi. Drifo vngir tveir a dyr siá synir Niþaþar i Sevarsta/þ.
21 5	Komo þeir til kisto, kra/fðo lvcla, opin var illvþ, er þeir í sa; fiolþ var þar menia, er þeim ma/gom syndiz at veri gvll rá/t oc gorsimar.
22 5	Volvndr qvaþ: «Komiþ einir tveir, komit annars dags! ycr let ec þat gvll vm gefit verþa; segita meyiom ne salþioþom, manne a/ngom, at iþ mic fynðit!»
23 5	Snemma kallaði seggr annan, broþir a broþvr: «Gongom ba/g sia!» Komo til kisto, cra/fðo lvcla, opin var illvþ, er þeir i lito.
24 5	Sneiþ af ha/fvþ hvna þeirra oc vndir fen fiotvrs fotr vm lagþi; enn þer scálar, er vnd sca/rom vóro, sveíp hann vtan silfri, seldi Niþaþi.
25 5	Enn or a/gom iarcnasteina sendi hann kvnnigri kono Niþadar; enn or ta/nnom tveggia þeirra slo hann briostkringlor, sendi Ba/dvildi.
26 5	Þa nam Ba/dvildr ba/gi at hrosa, .   .   .   .   . .   .   .   .   . [bar hann Volvndi,] er brotiþ hafdi: «Þoriga ec at segia nema þer einom.»
27 5	Volvndr qvaþ: «Ec boti sva brest a gvlli, at feþr þinom fegri þiccir oc moþr þinni miclo betri oc sialfri þer at sama hófi.»
28 5	Bar hann hana bióri, þviat hann betr kvnni, sva at hon i sessi vm sofnaði: «Nv hefi ec hefnt harma minna allra nema einna iviþgiarnra.»
29 5	«Vel ec!» qvaþ Volvndr, «verþa ec a fitiom, þeim er mic Niþaþar namo reccar.» Hleiandi Va/lvndr hófz at lopti, gratandi Ba/þvildr gecc or eyio, tregði fa/r friþils oc fa/þvr reiþi.
30 5	Vti stendr kvnnig kván Niþadar oc hon inn vm gecc endlangan sal — enn hann a salgarð settiz at hvilaz —: «Vakir þv, Niþvdr Niara drottinn?»
31 5	Niþvdr qvaþ: «Vaci ec avalt vilialá/ss, sofna ec minnzt sizt mina sono da/þa; kell mic i ha/fvþ, ka/ld ero mer raþ þin, vilnomc ec þess nv, at ec viþ Volvnd doma.
32	Seg þv mer þat, Volvndr, visi alfa! af heilom hvat varð hvnom minom?»
33 7 11	Volvndr qvaþ: «Eiþa scaltv mer aþr alla vinna at scips borþi oc at scialdar ra/nd, at mars bogi oc at mecis egg: at þv qveliat qvan Volvndar, ne brvþi minni at bana verþir; þott ver kván eigim þa er þer kvnniþ eþa ióþ eigim innan hallar.
34 5	Gac þv til smiþio þeirrar er þv gordir, þar fiþr þv belgi bloði stocna; sneiþ ec af ha/fvþ hvna þinna oc vndir fen fiotvrs fotr vm lagðac.
35 5	Enn þer scalar er vnd sca/rom váro sveip ec vtan silfri, selda ec Niþadi; enn or a/gom iarcnasteina senda ec kvnnigri kván Niþaðar.
36 5	Enn or tonnom tveggia þeirra slo ec briostkringlor, senda ec Ba/dvilldi; nv gengr Ba/dvildr barni á/kin einga dottir yccor beggia.»
37 5	Niþvdr qvaþ: «Mæltira þv þat mál er mic meirr tregi, ne ec þic vilia, Volvndr! verr vm níta; erat sva maþr hár at þic af hesti taci, ne sva a/flvgr at þic neþan scióti, þar er þv scollir við scy vppi.»
38	Hleiandi Volvndr hofz at lopti, enn ocatr Niþvdr sat þa epter.
39 3	Niþvdr qvaþ: «Vp ristv, Þaccráþr, þrell minn inn bezti! biþ þv Ba/dvildi meyna bráhvíto ganga fagrvariþ við fa/dur roþa.
40	Er þat satt, Ba/ðvildr! er sa/gdo mer: satvþ iþ Volvndr saman i holmi?»
41 3 7	Ba/dvildr qvaþ: «Satt er þat, Niþaþr! er sagdi þer: sáto viþ Va/lvndr saman i holmi eina a/gurstvnd, eva scyldi; ec vetr hanom vinna kvnnac, ec vetr hanom vinna máttac.»